Koronavirus yuqtirib olinganning eng birinchi oshkora belgisi insonda yuqori darajadagi isitma chiqishi kuzatilishidir. Bu haqda Jahon sog‘liqni saqlash tashkiloti vakili Margaret Xarris ma’lum qilgan, deb yozmoqda “RIA Novosti”.
“Kasallangan odamlarning aytishicha, ular yarim kechasi alaxsirab uyg‘ongan va o‘zlarini juda yomon his etgan”, — deydi Xarris.
Mutaxassisning qo‘shimcha qilishicha bemorlar isitmadan keyin kuchli titroqni ham his etgan.
“Kasallikning yaqqol belgisi — isitma va tana haroratining 38 darjadan ham balandroq bo‘lishi”, — degan JSST vakili.
Xarrisning aytishicha, COVID-19 koronavirusi bilan kasallangan bemorlarning 90 foizida infeksiya shunday alomatlar bilan boshlangan. Mavzuga doir:- JSST koronavirusning havo orqali yuqish imkoniyatiga baho berdi
- JSSTning rasmiy vakili tibbiy niqobning o‘zi koronavirusdan himoya qilolmasligini aytdi
- Olimlar koronavirusdan tuzalganlar virus yuqtirishda davom etishi mumkinligini aniqladi
