АҚШ президенти Дональд Трамп COVID-19 пандемиясини Иккинчи жаҳон уруши вақтида Перл-Харбор ҳарбий базасига уюштирилган ҳужум билан таққослади. Бу ҳақда BBC хабар берди.
«Биз мамлакатимизга уюштирилган энг ёмон ҳужумни бошдан ўтказдик. Бу Перл-Харбордан ёмонроқ, бу 11 сентябрдан ёмонроқ», — дея баёнот берган Дональд Трамп.
АҚШ президентининг қўшимча қилишича, у пандемияни худди урушдек қабул қилмоқда.
АҚШ давлат котиби Майкл Помпео 3 май куни Вашингтон коронавирус Ухандаги лабораторияда тарқалишни бошлаганини исботловчи маълумотларга эга эканлигини маълум қилган. Бироқ кейинчалик у олимларнинг коронавирус табиий усулда пайдо бўлгани ҳақидаги баёнотидан хабардор эканлигини қўшимча қилган ва уларнинг аниқлигига шубҳа билдирмаган. Шундан кейин у вируснинг тарқалиши қандайдир мақсад ёки ҳодисага боғлиқлиги ҳақидаги саволга жавоб бермаган.
Перл-Харбор Гавайи оролларида жойлашган порт бўлиб, унинг катта қисми АҚШ Ҳарбий-денгиз кучларининг Тинч океани флоти базасига тегишли. 1941 йилнинг 7 декабрь куни Япония Перл-Харбор базасига ҳужум уюштирган. Натижада 21 та жанговар кема, 350 та самолёт йўқ қилинган ёки жиддий зарар кўрган, 2390 киши ҳалок бўлган ва 1700 нафардан ортиқ одам жароҳат олган. Мазкур ҳужумдан кейин АҚШ Иккинчи жаҳон урушига қўшилган.
Аввалроқ Пентагон АҚШ ҳукумати коронавирус қаердан пайдо бўлганини билмаслигини маълум қилганди.
Мавзуга доир: Трамп: «Хитой коронавирус борасида катта хато қилди»
Изоҳ (0)