Тожикистон Соғлиқни сақлаш вазирлиги мамлакатда 15 кишида коронавирус аниқланганини маълум қилди. Касалланганларнинг 10 нафари Сўғд вилоятида, 5 нафари эса Душанбе шаҳрида қайд этилган. Бу ҳақда «Asia-Plus» хабар берди.
Маълум қилинишича, коронавирус пандемиясининг олдини олиш бўйича республика штаби қарорига асосан Тожикистон олий ўқув юртларининг 1—3-курс талабалари 4 майдан бошлаб ёзги таътилга чиқарилади. Уларга аввалги рейтинг натижаларига қараб баҳо қўйилади. Оилй ўқув юртлари битирувчилари эса ўз имтиҳонларини 15 майгача топшириши керак бўлади.
Шунингдек, штаб қарорига асосан Тожикистонда ниқоб тақиш фуқаролар учун мажбурий этиб белгиланган.
Аввалроқ Тожикистонда коронавирусга чалиниш ҳолати қайд этилгани расман эълон қилиниши кутилаётгани ҳақида хабар берилган эди. Мамлакатда барча футбол учрашувлари тўхтатилган.
Изоҳ (0)