АҚШ биофармацевтик компанияси Gilead Scienceс акцияларининг нархи 29 апрель ҳолатига кўра, 7,09 фоизга, яъни 84,25 долларга ошди. Компания ишлаб чиққан препарат коронавирусни даволашда қўлланадиган вакцина бўлиши мумкин.
Оқ уйда ўтган расмий брифингда АҚШ Аллергия ва юқумли касалликлар миллий институти (NАID) вакили Энтони Фаучи COVID-19’ни даволашда ремдесивир ижобий натижа кўрсатганини маълум қилган.
Мавзуга доир:
«Препаратни қабул қилган беморлар ўртача 11 кун ичида соғайган, плацебони қабул қилган кишилар эса 15 кунда тузалгани ҳақида маълумотлар бор», — деган Фаучи.
Унинг сўзларига кўра айрим беморлар учун даволаш даври 5 кун ичида якунига етмоқда. Препарат томчи дори тарзида юборилади ва вируснинг генетик материалини кўпайтирувчи функциясига таъсир кўрсатади.
Компания вакиллари препаратнинг ҳали лицензия олмагани ва дунёнинг ҳеч бир мамлакатида рўйхатдан ўтмаганини қайд этган. Шунингдек, унинг коронавирусни даволашда салбий жиҳатлари бор ёки йўқлиги ҳақида ҳам маълумот берилмаган.
Мавзуга доир:
Ремдесивирнинг коронавирусни даволашда самарадорлиги ҳақидаги хабар АҚШ қимматли қоғозлар бозорига ижобий таъсир кўрсатди. 30 апрель Тошкент вақти билан 00:30 ҳолатига кўра S&P 500 бозорининг индекси 3,15 фоизга, яъни 2953,63 поғонага ўсган, Dow Jones саноат индекси эса 2,61 фоиз — 24 729,79 пунктга, Nasdaq Composite 3,96 фоиз — 8948,45 пунктгача ўсган.
Изоҳ (0)