Bugun,

  • USD 11095.31
  • RUB 173.84
  • EUR 10772.44

Jahon sog‘liqni saqlash tashkilotining Yevropa mintaqaviy byurosi direktori Xans Klyuge “Rospotrebnadzor” (Rossiya) rahbari Anna Popovaga murojaat qilib, Tojikiston va Turkmanistondagi missiyada yordam berishini so‘radi, deb xabar beradi “RIA Novosti”.

Foto: Reuters

Foto: Reuters

“Sizdan ekspert missiyasining ishida ishtirok etish uchun markazingiz mutaxassislarini jalb etishda yordam ko‘rsatishingizni so‘ramoqchiman”, — deydi Klyuge.

Ta’kidlanishicha, ushbu mamlakatlarda koronavirus rasman qayd etilmagan bo‘lsa-da, atipik pnevmoniyadan vafot etayotganlar soni ko‘payib bormoqda. Klyuge bu borada Rossiyaning texnik va siyosiy nuqtayi nazardan yordami muhim ahamiyatga ega ekanligini ta’kidlab o‘tgan.

“Meni ushbu mamlakatlardagi mavjud vaziyat juda xavotirga solmoqda”, — deydi JSSTning Yevropa mintaqaviy byurosi rahbari.

Klyuge Rossiyadan Tojikiston va Turkmaniston yetakchilariga koronavirus infeksiyasiga qarshi kurashda JSSTning tavsiyalariga jiddiy yondashishlarini yetkazib qo‘yishini so‘ragan. Bundan tashqari, JSST vakili koronavirusga qarshi vaksinalar yaratish borasidagi ma’lumotlar uchun rossiyalik hamkasblariga minnatdorchilik bildirgan.

Avvalroq Turkmanistonda JSST missiyasi oldidan koronavirusga chalingan bemorlar boshqa kasalxonalarga yashirilayotgani ma’lum bo‘lgandi. Tojikistonda esa pnevmoniyadan to‘rt bemor vafot etgani xabar qilingan.

Eslatib o‘tamiz, Markaziy Osiyo davlatlari orasida hozirga qadar Tojikiston va Turkmanistonda koronavirus bilan kasallanish bo‘yicha birorta ham holat rasman e’lon qilinmagan. Jahon sog‘liqni saqlash tashkiloti ekspertlaridan iborat guruh shu hafta Tojikiston va Turkmanistonga tashrif buyurib, brifing o‘tkazadi va tahlil bo‘yicha vaziyat qanday ekani borasida rasmiy ma’lumot beradi.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Mahalliy
O‘zbekistonda pomidor narxi barqarorlashdi