Ўзбекистонда 28 апрель соат 12:20 ҳолатига кўра 1007 киши коронавирусдан даволанмоқда. Бу ҳақда Соғлиқни сақлаш вазирлиги хабар бермоқда.
28 апрель соат 10:00 га қадар Ўзбекистонда коронавирусга чалиниш билан боғлиқ 1924 та ҳолат аниқланган бўлса, ҳудудлар кесимида энг кўп кўрсаткич Тошкентда (жами 608 та ҳолат), Бухоро вилоятида (394 та ҳолат), Хоразм вилоятида (222 та ҳолат), Наманган вилоятида (194 та ҳолат) ва Андижон вилоятида (152 та ҳолат) рўйхатга олинган.
28 апрель соат 13:00 ҳолатига кўра коронавирусдан соғайиб улгурганлар сони бўйича эса Бухоро етакчилик қилмоқда — у ерда ҳозиргача 289 киши реабилитацияга кузатилган. Тошкент 264 та кўрсаткич билан бу борада иккинчи бўлиб турибди; Хоразм вилоятида 94 киши соғайган бўлса, Андижон ва Наманган вилоятларида 61 нафардан бемор тузалган.
Айни вақтда Тошкентда коронавирусга чалинган 340 нафар, Наманган вилоятида 130 нафар, Хоразм вилоятида 128 нафар, Бухоро вилоятида 105 нафар, Андижон вилоятида эса 93 нафар бемор даволанмоқда. Қашқадарё (жами олтита ҳолат қайд этилган эди) ва Навоийда (жами иккита ҳолат қайд этилган эди) бир нафардан бемор даволанмоқда, Жиззахда эса коронавирусга чалинган беморлар қолмагани ҳақида аввал хабар берилган эди.
Қайд этиш жоиз, ўтган вақт давомида Тошкентда тўрт нафар, Наманган вилоятида уч нафар, Фарғона вилоятида эса бир нафар бемор вафот этди.
Маълумот учун, 28 апрель куни соат 13:10 га қадар Фарғона вилоятида етти нафар, Қашқадарё вилоятида бир нафар, Бухоро вилоятида эса тўққиз нафар коронавирусга чалинган бемор соғайиб, реабилитацияга кузатилгани ҳақида хабар берилди.
Изоҳ (0)