Фарғонада карантин қоидаларини бузиб, зиёфат уюштирган аёллардан бири жаримага тортилди, икки нафари 15 суткага қамалди. Бу ҳақда «Дарё»га Фарғона шаҳар маъмурий суди раиси Солижон Қурбонов маълум қилмоқда.
Хабар берилишича, жорий йил 23 апрель куни Фарғона шаҳридаги Фарғона кўчасида яшовчи аёл У.М. карантин қоидаларини бузиб, яшаш хонадонига меҳмон чақирган. Мезбон таклифига биноан фуқаролар И.А. ва М.Ж. зиёфат қилиш учун тўпланиб, спиртли ичимлик истеъмол қилган ҳолда қўшнилар тинчлигини бузган. Бақир-чақир қилиб, жамоат тартибини бузаётган аёллар уларни тинчлантириш мақсадида борган ИИБ ходимларининг қонуний талабларини бажармаган.
Ҳуқуқбузар аёллар иши судда кўриб чиқилиб, Маъмурий жавобгарлик тўғрисидаги кодекснинг 183-моддаси (Майда безорилик), 54-модданинг 2-қисми (Эпидемияларга қарши кураш қоидаларини бузиш) ҳамда 194-моддаси (Ички ишлар органлари ходимининг қонуний талабларини бажармаслик) 1-қисми билан айбли деб топилган аёлларга қонуний чора кўрилган.
Изоҳ (0)