Бухоро вилоятида 28 апрель куни коронавирусга чалинган навбатдаги тўққиз нафар бемор тўлиқ соғайди, дея хабар бермоқда Соғлиқни сақлаш вазирлиги. Уларнинг бари 25 март куни Россиядан чартер рейс билан Бухорога олиб келинган ва карантинга олинган эди.
Улардан саккиз нафари эркак, бир нафари аёл; икки нафари Тошкент шаҳридан, яна икки нафари Тошкент вилоятидан, уч нафари эса Қорақалпоғистон, Қашқадарё ва Самарқанддан, қолган икки киши Бухоронинг ўзидан. Энг ёши каттаси 55 да, энг кичиги 19 да.
«Бухоро вилояти бўйича шу пайтга қадар 280 нафар бемор соғайган бўлса, эндиликда улар 289 нафарга етди. Юртимизда беморларнинг соғайиб чиқиши бўйича энг юқори кўрсаткич ҳозирча Бухоро вилоятидан қайд этилмоқда», — дейилади вазирлик ахборотида.
Шундай қилиб, Ўзбекистонда 28 апрель соат 13:00 ҳолатига кўра коронавирус инфекциясидан соғайган беморлар сони 909 нафарни ташкил этмоқда.
Аввалроқ, 28 апрель куни Фарғона вилоятида етти киши, Қашқадарё вилоятида эса бир киши коронавирусдан соғайгани ҳақида хабар берилган эди. Маълумот учун, 28 апрель соат 10:00 ҳолатига кўра, Ўзбекистонда коронавирус юқтириб олиш билан боғлиқ ҳолатлар сони 1924 тага етган.
Изоҳ (0)