Қирғизистонда коронавирус билан касалланиш бўйича яна 13 та ҳолат қайд этилди. Шундай қилиб, бутун мамлакат бўйлаб COVID-19 билан касалланганлар сони 695 кишига етди. Бу ҳақда мамлакат соғлиқни сақлаш вазири ўринбосари Нурбўлат Усенбоевга таяниб, «Kloop.kg» хабар берди.
Коронавирус билан касалланиш бўйича сўнгги ҳолатлар мамлакатнинг қуйидаги ҳудудларида қайд этилган:
- Бишкек — 6;
- Ўш — 1;
- Ўш вилояти — 1;
- Чуй вилояти — 2;
- Норин вилояти — 1;
- Иссиқкўл вилояти — 2 та ҳолат.
Шу билан бирга, касалликка чалинганларнинг уч нафари тиббиёт ходимлари. Мамлакатда пандемия бошланганидан буён COVID-19 билан касалланган тиббиёт ходимлари сони 183 нафарга етди.
Айни вақтда Қирғизистондаги стационарларда 292 киши даволанмоқда, 7 нафар бемор жонлантириш бўлимида. Жами 395 бемор даволанишга муваффақ бўлган, 8 киши эса COVID-19 қурбонига айланган.
Ўзбекистонда 27 апрель соат 10:00 ҳолатига кўра, коронавирус инфекциясини юқтириб олганлар сони 1887 нафарга етди. Мамлакатда 15 мартдан буён коронавирусга чалинган беморларнинг саккиз нафари вафот этди, 789 нафари эса соғайиб, реабилитацияга олинган.
Изоҳ (0)