Янги мавсумда қандай услуб, либос ва аксессуарлар урфда бўлиши мода олами вакиласи бўлмаса-да, барча аёл-қизларни қизиқтиради. Аввал таъкидлаганимиздек, 2020 йилнинг баҳор-ёзида викториан услубидаги блузалар, малика Диананики сингари плиссоровкали юбкалар урфда бўлиб, пойабзаллардан сўнгги бир-икки йил давомида street style’ни усиз тасаввур қилиб бўлмайдиган кроссовкалар тренд эстафетасини балеткаларга топширади.
Мода янгиликларини мунтазам кузатиб борувчи ўқувчилар учун яхши янгилик: энди сиз бир вақтнинг ўзида ҳам қулай, ҳам замонавий кийина оласиз. Негаки мутахассислар томонидан комбинезонларни гардеробга қўшиш тавсия қилинмоқда.
Комбинезон қоматни чиройли кўрсатиш ва уни кийган инсоннинг танлов борасида жасур эканини исботлайдиган либос ҳисобланади. Комбинезон танлашда қадди-қомат, бўй узунлигига эътибор бериш керак. Масалан, тўлароқ қизларга ёпишиб турадиган модель тавсия қилинмайди.
Комбинезонлар турли матодан тикилган, бир-бирига ўхшамаган услуб ва рангли бўлиши мумкин. Жинси матоли моделни кета ёки кроссовка билан мослаш ёки бўйинга кичик қизил рўмол боғлаб, қизил ёки сариқ туфли кийиб ўзига хос образ яратиш мумкин.
Мавзуга доир: Ишчилар формаси бўлган жинси қандай қилиб трендга айланди? Жинси яратилишига сабаб бўлган олтин конлари
Чарм комбинезонлар киши қиёфасини жиддий ва салобатли кўрсатади. Чарм юпқа бўлмагани сабаб бундай моделларни баҳор сўнгига қадар кийиш уни винтаж усулидаги аксессуар ёки ободок билан кийиш тавсия қилинади.
Мавзуга доир: Чарм билан эсда қоларли 5 образ (фото)
Образ яратишда аниқ бир қоида ёки қолип йўқ, ранг ва моделларни истаганингизча уйғунлаштиришингиз мумкин, асосийси эса қулай ва дидли кўринса бўлгани.
Изоҳ (0)