O‘tmishdagi urf yana trendda: bahorda viktorian uslubidagi bluzka urfda

Moda bir joyda turmaydi, oradan yillar o‘tib siz keraksiz deb o‘ylagan libos urfda bo‘lish ehtimoli yo‘q emas. Bahor-yoz mavsumi garderobni yangilash, yengil libos va ko‘ylaklar xususan viktorian uslubidagi bluzkani must have (sizda bo‘lishi kerak bo‘lgan narsadir, aks holda siz moda olami vakili emassiz)lar orasiga qo‘shish uchun ayni muddao. Bir necha o‘n yillar avval moda ixlosmandlari uchun sevimli bo‘​lgan ushbu bluzkalar, allaqachon Viktoriya Bekxem, Sharliz Teron va boshqa Gollivud yulduzlari garderobidan o‘rin olib bo‘ldi, deb yozadi Elle.

Ushbu bluzkalarni nima bilan moslash mumkin?

80-yillardagi singari past qismi keng bo‘lgan jinsilar, A.W.A.K.E lukbuklaridagi kabi plissirovkali yubka, shuningdek, Bottega Veneta kolleksiyasidagi singari klassik shim va bermudlar bilan moslash mumkin.

Qanday poyabzal mos tushadi?

Bluzka bilan obraz o‘zgacha bo‘lishi uchun faqatgina bosonojka kiyish shart emas, Converse yoki Acne Studios’niki singari klassik keta kiysa  ham bo‘​ladi.

Bluzkani qaysi vaqt kiyish mumkin?

Uchrashuv, tug‘ilgan kun yoki boshqa tadbirlar uchun, tepa qismi to‘rt burchak shaklida ochiq, tugmalari bor variantni tanlash tavsiya qilinadi. Ishxona va ofis uchun yeng qismi keng bo‘lgan klassik uslubdagi bluzkalarni tanlashingiz mumkin.