Франциянинг Boucheron заргарлик брендининг Plume de Paon коллекциясидаги тақинчоқлар сони биттага кўпайди, деб ёзади Harper’s Bazaar.
Бундан 160 йил олдин Фредерик Бушерон товус сингари чиройли ва ўзгача тилла маржон яратишга қарор қилган ҳамда Boucheron брендининг рамзи сифатида маълум бўлган «ундов белгиси» юзага келган. Кейин шу белги шаклида узук, зирак ва бошқа аксессуарлар ишлаб чиқарила бошланди.
2020 йилнинг баҳор ойига келиб эса бренд мазкур афсонавий тўпламни янгилади. Коллекциядан пат шаклини эслатувчи, олмос тошли маржон, зирак, билагузук ва узуклар ўрин олган. Тақинчоқ сариқ тилладан ишланган бўлиб, ўзига хос кўриниш касб этади. Узуклар бўлса, асоси оқ ва пушти тилладан бўлиб, бриллиант билан қопланган.
Изоҳ (0)