Камар образни буткул ўзгартириб юбориш ёки унга урғу бериш хусусиятига эга аксессуар ҳисобланади. Harper’s Bazaar нашри камар билан қандай образлар яратиш мумкинлигига тўхталади.
Кўйлак билан
Кенг либос яхши, унга камар қўшиб қоматнинг бел қисмини акс эттириш эса ғоят ажойиб образлар пайдо бўлишига сабабчи бўлади. Ушбу аксессуарни танлаётганда қалин, ноодатий, ўзига хосликка эътибор беринг.
Комбинезон билан
Монохром образга урғу бериш учун биргина ёрқин камар тақишнинг ўзи етарли. Кўринишингиз зерикарли бўлмаслиги учун комбинезон рангидан фарқ қиладиган ноанъанавий камарларни танланг.
Устки кийим билан
Камарни устки кийимларнинг барчаси: тренч, плаш, куртка ва пиджаклар билан тақиш мумкин. Натижада қомат чиройли кўринади. Бундай либосларга чарм камар тавсия қилинади.
Мавзуга доир: Чарм билан эсда қоларли 5 образ (фото)
Oversize услубидаги елка қисми очиқ, пастки қисми узун свитер билан камар тақиш ўзига хос услуб яратади. Айниқса, бундай свитер ичидан шифон кўйлак жуда чиройли туради. Бундай кийимга, иложи борича, камарнинг ингичкасидан танлашга ҳаракат қилинг.
Жакет билан
Жакет ва камарнинг умумлашмаси нафақат street style, балки офис услуби учун ҳам айни муддао. Айниқса, елка қисми кенг жакет билан ушбу аксессуар ўзига хос образ яратади.
Мавзуга доир:
- Сумкага тақинг, бўйинга боғланг, сочга қўшиб ўринг — рўмол билан бетакрор образлар яратамиз (фото)
- Ҳар куни нима кийишни ўйлайдиганлар учун оқ футболка — универсал ечим (фото)
- Гардеробингизнинг янгилаш вақти келганини англатувчи 5 та белги
- Трендда бўлиш учун ортиқча пул сарфлаш шарт эмас. Бисотингизда боридан фойдаланиб замонавий бўлишингиз мумкин
Изоҳ (0)