Ифторлик учун туркча тансиқ таом — пишлоқ ва тухумли пиде тайёрлаймиз

Турк ошхонасининг тухум ва пишлоқ қўшиб тайёрланадиган бу таоми ҳар куни ўхшаш егулик тайёрлашдан чарчаганлар учун айни муддао.

• Тухум
• Сметана — 2 ош қошиқ
• Ўсимлик ёғи — 3 ош қошиқ
• Илиқ сув — 250 мл
• Хамиртуруш — 11 гр
• Ун — 500 гр
• Шакар — 3 чой қошиқ
• Пишлоқ — 100 гр
• Томат пастаси — 2 ош қошиқ
• Туз — таъбга кўра
• Пиде устига тухумдан ташқари, қийма, товуқ, колбаса қўшиш мумкин.

• Иккита тухумни чақиб, сметана ва ўсимлик ёғи билан аралаштиринг.
• Аралашмага илиқ сув, хамиртуруш, 3 чой қошиқ шакар ва таъбга кўра туз, 500 гр ун қўшиб хамир қоринг.
• Идишга хамир ёпишиб қолмаслиги учун ёғ​ суртинг ва хамирни 30-40 дақиқа тиндиргани илиқ жойга қўйинг.

Хамирдан иккита яхлит ёки кичикроқ ўн иккита пиде чиқариш мумкин.

• Хамирни 12 бўлакка бўлиб, бўлакларни жўва ёрдамида ёйинг.
• Бўлакларни қўлингиз билан суратдаги сингари қайиқча шаклига келтиринг.
• Хамирга томат пастасини суртинг.
• Пишлоқни қирғичдан чиқаринг ва хамир устига солинг.
• Ҳар бир пиде устига биттадан тухум чақинг.
• Пиделарни листга териб, қизиган печда 200 даража иссиқликда пиширинг.