Санитария-эпидемиология назорати давлат инспекцияси бошлиғи Нурмат Отабеков 23 апрель куни АОКА қошида ташкил этилган брифингда Ўзбекистонда қайси тиббий муассасалар карантинга ёпилганини маълум қилди. Бу ҳақда «Дарё» мухбири хабар бермоқда.
«Ҳозирда 7-сонли туғруқхона маркази, Республика перинатал маркази (САМПИ), Республика ихтисослаштирилган Эндокринология илмий-амалий тиббиёт маркази, 5-сонли шаҳар юқумли касалликлар шифохонаси, Республика шошилинч тиббий ёрдам илмий маркази ва «Шохмед» хусусий клиникаси карантинга ёпилган», — деди Отабеков ва ушбу муассасаларнинг мижозлари орасида коронавирус аниқлангани туфайли ёпилганини таъкидлади.
Аввалроқ ССВ ҳузуридаги Коронавирусга қарши кураш штаби аъзоси Ҳабибулла Оқилов Республика перинатал марказида коронавирус аниқланган ҳомиладор аёл махсус ажратилган 3-туғруқхона биносига ўтказилганини, ходимлар ва бошқа беморларни таҳлил қилишда коронавирус аниқланмагани ва марказни очиш масаласи карантин қоидаларига мувофиқ ҳал этилиши белгиланганини маълум қилганди.
Эслатиб ўтамиз, юқоридаги санаб ўтилган тиббиёт муассасаларидан ташқари Тошкент шаҳридаги 6-сонли туғруқхона, 17-шаҳар клиник шифохонаси ва 8-оилавий поликлиника ҳам карантинга ёпилгани ҳам хабар берилган.
Изоҳ (0)