Коронавирус билан касалланган одамларни даволайдиган шифокорлар қийин шароитларда ишлашга мажбур бўлмоқда. Бу ҳақда «НСН» (Миллий ахборот хизмати) билан суҳбатда профессор, Россияда хизмат кўрсатган шифокор Александр Карабиненко маълум қилган.
Мутахассиснинг сўзларига кўра, унинг ўзи ёши катта (78 ёш) бўлгани учун беморларни даволашда иштирок этмаяпти, аммо ҳамкасблари билан гаплашиб туради.
«Уларнинг меҳнат шароитлари ҳам жуда оғир, чунки тагликларда кунига 12 соат узлуксиз ишлашга тўғри келади. Еб-ичиш ҳам йўқ. Бу жуда машаққатли иш», — деган Карабиненко ва бунинг учун шифокорларга муносиб ҳақ тўлаш кераклигини айтган.
Ушбу ноқулайликлар ҳимоя кийимларидан фойдаланиш зарурати билан боғлиқ. Шифокорларга бутун смена давомида иш кийимларини ечмаслик тавсия этилади.Шунингдек, Александр Карабиненко коронавирус инфекцияси тарқалишига қарши кураш чораларини тўғри деб ҳисоблайди. «Одамларни инфекциянинг тарқалишидан чеклаш лозим», — деган шифокор.
Сўнгги маълумотларга кўра, айни пайтда дунё бўйича касалланганларнинг умумий сони 2 миллион 494 минг кишидан ошиб кетди, 171 249 киши вафот этди, 658 мингдан ортиқ бемор тузалди.
Изоҳ (0)