АҚШ президенти Дональд Трамп коронавирус тарқалишига қарши кураш доирасида Қўшма Штатларга иммиграцияни вақтинча тақиқлаш ҳақидаги қарорни имзолаши ҳақида хабар берилган эди. Россиянинг Халқаро ишлар бўйича кенгаши дастурий директори Иван Тимофеевнинг маълум қилишича, бу қарорнинг имзоланиши ўз ортидан жиддий ўзгаришларни олиб келмайди. Бу ҳақда «РИА Новости» хабар берди.
Дональд Трамп ўз баёнотида америкалик фуқароларнинг ишчи ўринларини сақлаб қолиш учун мамлакатга иммиграцияни тўхтатиш ҳақидаги фармонни имзолашини айтган.
Тимофеевнинг айтишича, Трамп мазкур фармонни имзолаши мумкин. Айни пайтда чегараларни ёпиш кўплаб давлатлар учун мажбурий чора ҳисобланади, шунинг учун Трамп фармонни имзолашда коронавирусдан сабаб сифатида фойдаланиши мумкин.
Экспертнинг қайд этишича, мазкур фармонни имзолашда Трамп ва республикачилар учун иккита муҳим жиҳат бор. Биринчиси — Трампнинг America First (Америка биринчи) шиори ва америкаликларни ишчи ўринлари билан таъминлаш. Айниқса, ҳозирги муқаррар иқтисодий инқироз шароитида ишсизлик ортиши мумкин, бўшаган иш ўринларини эса ишидан айрилган АҚШ фуқаролари эгаллаши мумкин.
Яна бир жиҳат АҚШ ва Мексика чегарасидаги ноқонуний миграция билан боғлиқ, республикачилар мазкур чегарада назоратни кучайтиришга эришмоқда. Трамп мазкур чегарада назоратни кучайтиришда ҳам вазиятдан фойдаланиши мумкин.
«У шундай ҳуқуққа эга, у эпидемиологик сабаблар бўйича чегарани ёпади. Бироқ Америка иқтисодиёти коронавирусдан халос бўлгач, мамлакатга мигрантлар керак бўлади. Бу конъюктура билан боғлиқ қадам, узоқ вақтга мўлжаллангам фундаментал ўзгариш бўлади, деб ўйламайман», — деб таъкидлаган эксперт.
Айни пайтда АҚШ коронавирусга чалинганлар ва ундан вафот этганлар сони бўйича дунёда биринчи ўринда турибди. Мамлакатда коронавирус билан касалланганлар сони 787 минг кишидан ошган, 72 мингдан ортиқ бемор тузалган, 42 мингдан ортиқ одам вафот этган. Ўтган бир сутка ичида 1433 киши коронавирус оқибатида вафот этган.
Изоҳ (0)