Бутун дунёда COVID-19 коронавируси билан касалланганларнинг сони 2 501 156 нафарга етди. Бу ҳақда Жонс Ҳопкинс университети маълумот берган.
Пандемия бошланганидан бери коронавирусдан вафот этганлар сони 21 апрель соат 21:30 ҳолатига кўра, 171,8 минг нафарни ташкил қилмоқда.
Университет 15 апрелда COVID-19 билан касалланганлар сони дунё бўйича 2 миллион нафардан ошганини маълум қилганди. Жаҳон соғлиқни сақлаш ташкилоти эса 19 апрель куни дунёда коронавирус билан касалланганлар сони 2,24 миллиондан ошганини билдирган.
Мавзуга доир:
Касалланганлар сони бўйича кучли ўнталикка Испания (204,1 минг киши), Италия (181,2 минг нафар), Франция (156,4 минг нафар), Германия (147,5 минг нафар), Буюк Британия (125,8 минг нафар), Туркия (90,9 минг нафар), Эрон (84,8 минг нафар), Хитой (83,8 минг нафар) ва Россия (52,7 минг нафар) кирган.
Коронавирус Россиянинг барча ҳудудларида аниқланган. Охирги бир сутка ичида 21 апрель ҳолатига кўра мамлакатда COVID-19 билан касалланиш бўйича 5642 та янги ҳолат қайд этилган, касалланганларнинг умумий сони 52 минг нафардан ошиб кетган. COVID-19’га чалинган кишилар сони бўйича Москва (29 433 минг нафар) етакчилик қилмоқда. Россия тезкор штаби берган маълумот бўйича мамлакатда коронавирус инфекцияси аниқланганидан бери 456 киши коронавирус оқибатида дунёдан кўз юмган.
Ўзбекистонда 21 апрель соат 23:00 ҳолатига кўра, коронавирус билан касалланганлар сони 1678 нафарни ташкил қилмоқда. Ўзбекистонда 15 мартдан буён коронавирусга чалинган беморларнинг олти нафари вафот этди, 357 нафари эса соғайиб, реабилитацияга олинган. Хорижда 73 ўзбекистонликда коронавирус аниқланган (энг кўпи — 42 нафари — Россияда), уларнинг тўрт нафари вафот этган.
Изоҳ (0)