Эрон Ислом Республикасида коронавирус инфекциясига чалинганлар сони 85 минг нафарга яқинлашиб қолди, қарийб 5,3 минг киши касаллик туфайли ҳаётдан кўз юмган. Бу ҳақда мамлакат Соғлиқни сақлаш вазирлиги расмий вакили Киануш Жаҳонпурга таяниб, хабар бермоқда IRNA агентлиги.
«Ортда қолган бир сутка давомида мамлакат миқёсида 1297 та касалланиш ҳолати қайд этилди. 21 апрель ҳолатига кўра Эронда коронавирус юқтириб олганлар сони 84 802 нафарни ташкил қилмоқда. 60695 нафар бемор касалликдан тузалган», – дея таъкидлаган Жаҳонпур IRINN телеканалидаги чиқиши вақтида.
Шунингдек, у охирги 24 соат ичида 88 киши коронавирусдан вафот этганлигини ҳам маълум қилган. Шу тариқа Эрон ҳукумати 19 февралда мамлакатда коронавирус тарқалганини эълон қилганидан бери касаллик оқибатида вафот этганларнинг сони 5297 нафарга етган.
Изоҳ (0)