Россияда банкларда пулни нақдлаштириш март ойи бошида сезиларли даражада ўсгани маълум қилинди

Россиядаги банкоматлар ва банклар бўлимларида март ойи бошида тахминан 1 триллион рубль (13,6 миллиард АҚШ доллар) ҳажмидаги нақд пул берилган. Бу ҳақда Россия Марказий банкидаги манбаларига таяниб, Bloomberg агентлиги хабар берди.

Агентлик эълон қилган чизмага кўра, апрель ойи бошида банк бўлимлари ва банкоматлардан 326,9 миллиард рубль берилган. Аввал Россия Марказий банки март ойида нақд пул ҳажми 700 миллиард рублга ўсгани, банк секторининг ликвидлик тузилмавий профицити эса 1,5 триллион рублга пастлаганини маълум қилганди. Bloomberg банкоматлар ва банк бўлимлари 700,9 миллиард рублни купюра тарзида берганлигига аниқлик киритган. Ушбу маълумотларни ҳисобга олганда, россияликлар жами 1,026 триллион рубль олишган.

«Райффайзенбанк» таҳлилчиси Денис Поривай Bloomberg’га берган интервьюсида аҳолининг карантин даврида банклар ишламаслиги юзасидан хавотири ушбу кўрсаткичларга сабаб бўлган. Шунингдек, унинг сўзларига кўра одамлар озиқ-овқат маҳсулотларини тўплашни бошлагани учун ҳам маблағларини нақдлаштирган.

Агентлик ҳам Россияда кунлик пул нақдлаштириш кўрсаткичининг ўсиб бориши президент Владимир Путиннинг коронавирус сабаб жорий этилган чора-тадбирлар ҳақидаги мурожаати эълон қилинган даврга тўғри келаётганига эътибор қаратган. Bloomberg берган маълумотларга кўра, пул ечиш Путиннинг 1 миллион рублдан кўп жамғармаси борлардан 13 фоизлик солиқ олиниши ҳақидаги гапларидан кейин кескин кўтарилган. Кейинги тўлқин эса РФ давлат раҳбарининг карантиннинг 30 апрелгача сурилиши ҳақида эълон қилган даврига тўғри келган.

Агентлик чизмасида энг кўп нақд пул 27 мартда берилган ва 1654,4 миллиард рублни ташкил қилади. ОПЕК+ келишувининг узайтирилмаслиги маълум қилинишидан бир кун аввал банкоматлар ва банк бўлимларида жами 63,8 миллиард рубллик нақд пул берилган. Келишув бўйича музокаралар 6 мартда ўтказилган, якунда битим имзоланмайдиган бўлди, 9 мартга бориб жаҳон бозорида нефть нархи 30 фоизга тушиб кетди. Нефть бозоридаги беқарор вазият туфайи ОПЕК аъзолари, картелга аъзо бўлмаган нефть ишлаб чиқарувчи давлатлар ва Россия яқин икки ой ичида нефть ишлаб чиқариш ҳажмини 9,7 миллион баррелдан оширмасликка келишиб олди.

Путин 25 мартда карантиннинг 28 мартдан 5 апрелгача сурилганини эълон қилган ва шу куни банкдаги жамғармасида миллион рублдан кўп пули борларга солиқ солиниши ҳақида гапирган (Bloomberg графигида 26 март). Карантиннинг 30 апрелгача узайтирилиши эса 2 апрель куни маълум қилинган (мазкур сана ҳам агентлик чизмасига киритилган). Шу куни Bloomberg маълумоти бўйича қарийб 3,8 миллиард рубль нақдлаштирилган. Эртасига Марказий банк ушбу кўрсаткичнинг 25,1 миллиардгача етганини қайд этган. Энг кўп нақд пул 8 апрелда олинган, шу куни мамлакат аҳолиси 72,4 миллиард рублни банкомат ва банклардаги бўлимлардан алмаштирган. Шундан кейин Bloomberg графиги бўйича пастлаш кузатилган. 15 апрелга бориб нақдлаштирилган маблағ миқдори 11,1 миллиард рублдан ошмаган.