Rossiyada banklarda pulni naqdlashtirish mart oyi boshida sezilarli darajada o‘sgani ma’lum qilindi

Rossiyadagi bankomatlar va banklar bo‘limlarida mart oyi boshida taxminan 1 trillion rubl (13,6 milliard AQSh dollar) hajmidagi naqd pul berilgan. Bu haqda Rossiya Markaziy bankidagi manbalariga tayanib, Bloomberg agentligi xabar berdi.

Agentlik e’lon qilgan chizmaga ko‘ra, aprel oyi boshida bank bo‘limlari va bankomatlardan 326,9 milliard rubl berilgan. Avval Rossiya Markaziy banki mart oyida naqd pul hajmi 700 milliard rublga o‘sgani, bank sektorining likvidlik tuzilmaviy profitsiti esa 1,5 trillion rublga pastlaganini ma’lum qilgandi. Bloomberg bankomatlar va bank bo‘limlari 700,9 milliard rublni kupyura tarzida berganligiga aniqlik kiritgan. Ushbu ma’lumotlarni hisobga olganda, rossiyaliklar jami 1,026 trillion rubl olishgan.

“Rayffayzenbank” tahlilchisi Denis Porivay Bloomberg’ga bergan intervyusida aholining karantin davrida banklar ishlamasligi yuzasidan xavotiri ushbu ko‘rsatkichlarga sabab bo‘lgan. Shuningdek, uning so‘zlariga ko‘ra odamlar oziq-ovqat mahsulotlarini to‘plashni boshlagani uchun ham mablag‘larini naqdlashtirgan.

Agentlik ham Rossiyada kunlik pul naqdlashtirish ko‘rsatkichining o‘sib borishi prezident Vladimir Putinning koronavirus sabab joriy etilgan chora-tadbirlar haqidagi murojaati e’lon qilingan davrga to‘g‘ri kelayotganiga e’tibor qaratgan. Bloomberg bergan ma’lumotlarga ko‘ra, pul yechish Putinning 1 million rubldan ko‘p jamg‘armasi borlardan 13 foizlik soliq olinishi haqidagi gaplaridan keyin keskin ko‘tarilgan. Keyingi to‘lqin esa RF davlat rahbarining karantinning 30-aprelgacha surilishi haqida e’lon qilgan davriga to‘g‘ri kelgan.

Agentlik chizmasida eng ko‘p naqd pul 27-martda berilgan va 1654,4 milliard rublni tashkil qiladi. OPEK+ kelishuvining uzaytirilmasligi ma’lum qilinishidan bir kun avval bankomatlar va bank bo‘limlarida jami 63,8 milliard rubllik naqd pul berilgan. Kelishuvi bo‘yicha muzokaralar 6-martda o‘tkazilgan, yakunda bitim imzolanmaydigan bo‘ldi, 9-martga borib jahon bozorida neft narxi 30 foizga tushib ketdi. Neft bozoridagi beqaror vaziyat tufayi OPEK a’zolari, kartelga a’zo bo‘lmagan neft ishlab chiqaruvchi davlatlar va Rossiya yaqin ikki oy ichida neft ishlab chiqarish hajmini 9,7 million barreldan oshirmaslikka kelishib oldi.

Putin 25-martda karantinning 28-martdan 5-aprelgacha surilganini e’lon qilgan va shu kuni bankdagi jamg‘armasida million rubldan ko‘p puli borlarga soliq solinishi haqida gapirgan (Bloomberg grafigida 26-mart). Karantinning 30-aprelgacha uzaytirilishi esa 2-aprel kuni ma’lum qilingan (mazkur sana ham agentlik chizmasiga kiritilgan). Shu kuni Bloomberg ma’lumoti bo‘yicha qariyb 3,8 milliard rubl naqdlashtirilgan. Ertasiga Markaziy bank ushbu ko‘rsatkichning 25,1 milliardgacha yetganini qayd etgan. Eng ko‘p naqd pul 8-aprelda olingan, shu kuni mamlakat aholisi 72,4 milliard rublni bankomat va banklardagi bo‘limlardan almashtirgan. Shundan keyin Bloomberg grafigi bo‘yicha pastlash kuzatilgan. 15-aprelga borib naqdlashtirilgan mablag‘ miqdori 11,1 milliard rubldan oshmagan.