Бу ҳақда АОКА ҳузурида ташкил этилган штабдаги брифингда Соғлиқни сақлаш вазирлиги ҳузуридаги Коронавирусга қарши кураш штаби аъзоси Ҳабибулла Оқилов маълум қилган.
Жумладан брифингда, «27 мартдан бери карантинда эдик, 6 апрелдан бошқа карантин ҳудудига ўтказилиб, янгидан муддат белгилашди. 12 апрелда бизнинг жойда бир кишида вирус аниқланди, энди нима бўлади?», — деган саволга изоҳ берилган.
Аввалроқ карантинда алоқадор шахслар дам олиш уйлари ҳамда санаторийларда сақлангани, эндиликда улар контейнер шаклида қурилган махсус шаҳарчаларга кўчирилаётгани айтилди. Душ, телевизор, кондиционер, алоҳида ҳовличаларга эга бундай ҳудудларда 3-4 киши бир жойда яшаётгани билдирилди.
Мавзуга доир: Ўрта Чирчиқда 5 кунда қуриладиган 10 минг ўринли касалхона учун «контейнер-палата»ларнинг биринчи партияси тайёр бўлди (видео)
Эслатиб ўтамиз, аввалроқ март ойида COVID-19 коронавирусига қарши кураш доирасида бир ойда Тошкент шаҳрида учта касалхона қурилиб, фойдаланишга топширилиши айтилгани, Тошкент шаҳри ва барча вилоятларда карантинга мослаштирилган базалар ташкил этилиши, Ўзбекистонга ҳозиргача 245 мингта коронавирусни аниқловчи тест олиб келингани, Юқори Чирчиқдаги карантин полигонида 18 нафар фуқарода коронавирус аниқлангани ҳақида ҳам хабар қилинган.
Изоҳ (0)