Ўзбекистон ахборот технологиялари ва коммуникацияларни ривожлантириш вазирлиги матбуот хизмати вазирлик тасарруфидаги «Ўзбекистон почтаси» компаниясининг 20 апрелдан бошлаб халқаро авиапочта жўнатмаларини юборишни қисман тиклаганини хабар қилди.
Хабарга кўра, фуқаролардан ва юридик шахслардан 38 та давлатга халқаро авиапочта жўнатмаларни қабул қилиш бошланган.
Юк ташишни амалга оширувчи авиақатновлар орқали 2020 йил 20 апрелдан 1 июнгача дунёнинг 38 давлатига «Экстра» тариф режаси асосида халқаро авиапочта жўнатмаларининг етказиб берилиши йўлга қўйилган.
«Ўзбекистон почтаси» 5 март куни коронавирус тарқалгани туфайли Хитойдан почта жўнатмалари кечикиб келиши ҳақида огоҳлантирган, 20 мартдан бошлаб эса коронавирус тарқалишининг олдини олиш бўйича республика махсус комиссияси томонидан эълон қилинган карантин тартиби вақтида почта жўнатмаларини ерусти транспорти орқали бошқа давлатларга юбораётган эди.
Изоҳ (0)