АҚШ президенти Дональд Трамп мамлакатда COVID-19 коронавирус инфекцияси қурбонлари сони 60-65 минг кишига етиши мумкинлигини маълум қилди. Бу ҳақда президент Оқ уйда ўтказилган брифинг вақтида эълон қилган.
Аввалроқ Оқ уй мутахассислари фуқаролар ҳукумат томонидан ўрнатилган чеклов чораларига риоя қилса, коронавирус қурбонлари сони 240 минг атрофида бўлишини тахмин қилганди. Шундан сўнг Трамп АҚШда коронавирус оқибатида вафот этадиганлар 100 минг кишидан сезиларли даражада кам бўлишини эълон қилган.
Америка етакчисининг сўзларига кўра, қурбонлар сони тўғрисидаги прогнозга ўзгартириш киритилишига мамлакатда коронавирус инфекцияси тарқалишига қарши олиб борилаётган курашлар самараси сабаб бўлган.
Жонс Ҳопкинс университети маълумотларига кўра, бутун дунёда коронавирус оқибатида вафот этганлар сони 150 минг кишидан ошиб кетди. COVID-19 қурбонлари ва касалланганлар сони бўйича АҚШ дунёда биринчи ўринда кетмоқда. Мамлакатда 700 мингдан ортиқ одам коронавирус юқтириб олган бўлса, 37 мингдан ортиқ одам вирус қурбонига айланган.
Мавзуга доир: Трамп АҚШда коронавирус сабаб жорий этилган чекловларни босқичма-босқич бекор қилиш режаси билан бўлишди
Изоҳ (0)