Қирғизистонда коронавирус билан касалланиш бўйича яна 17 та ҳолат қайд этилди — улар орасида тиббиёт ходимлари йўқ. Бу ҳақда Қирғизистон Соғлиқни сақлаш вазирлигига таяниб, «Kloop.kg» хабар берди.
18 апрель ҳолатига кўра, бутун мамлакат бўйлаб COVID-19 коронавирус инфекцияси билан касалланганлар сони 506 кишига етган. Таъкидланишича, касалликни юқтириб олганлар орасида анча вақтда буён биринчи марта бирорта ҳам тиббиёт ходими йўқ.
Касалланиш бўйича янги ҳолатлар Норин вилоятида — 11 киши, Ўш вилоятида — 5 киши ва Ўш шаҳрида — 1 кишида аниқланган.
Коронавирус аниқланган барча янги беморлар аввалроқ касалликка чалинларнинг оила аъзолари ва улар билан алоқада бўлганлар. Айни вақтда COVID-19 ҳолатлари мамлакатнинг қуйидаги ҳудудларида қайд этилди:
- Ўш вилояти — 140;
- Ўш шаҳри — 74;
- Бишкек — 102;
- Чуй — 28;
- Жалолобод — 93;
- Норин — 56;
- Иссиқкўл — 8;
- Боткенда — 5 киши.
Ўзбекистонда 18 апрель соат 10:00 ҳолатига кўра, коронавирус инфекциясини юқтириб олганлар сони 1450 кишига етди. Мамлакатда 15 мартдан буён коронавирусга чалинган беморларнинг тўрт нафари вафот этди, 156 нафари эса соғайиб, реабилитацияга олинди. Хорижда камида 23 ўзбекистонликда коронавирус аниқланган, уларнинг тўрт нафари вафот этган.
Изоҳ (0)