Ўзбекистонда 2020 йил давомида такрорий ҳамда томорқа хўжаликларида 2,9 миллион тоннага яқин картошка етиштириш режалаштирилган. Бу ҳақда 17 апрель куни куни АОКАда бўлиб ўтган брифингда Қишлоқ хўжалиги вазири ўринбосари Саидкамол Хўжаев маълум қилди.
Вазир ўринбосарининг таъкидлашича, картошканинг ички истеъмоли асосан захира ва чет элдан импорт қилиш ҳисобига қондирилади.
Мамлакатда картошка тақчиллиги (45—50 минг тонна ойига) асосан март апрель ойларига тўғри келади. 2019-2020 йиллар қиш-баҳор мавсуми учун 181 минг тонна картошка заҳира қилинган.Шунингдек, 2020 йил январь март ойларида хорижий мамлакатлардан 130 минг тонна картошка маҳсулоти кириб келди, жумладан, март ойининг ўзида 60 минг тоннадан ошди. Апрель ойида ҳам истеъмолнинг бир қисмини импорт ҳисобидан қопланади.
Март ойи охирги ўн кунлигидан бошлаб республикамизнинг жанубий вилоятларидан ички бозорларимизга эртаки картошка маҳсулотлари чиқарила бошланди. Жумладан, апрель ойида 65 минг тоннага яқин, май ойида эса 85 минг тонна картошка етиштирилади.
Шунингдек, картошкачиликни ривожлантириш, ҳудудларни ихтисослаштириш, соҳани қўллаб-қувватлаш тизимларини яратиш мақсадида махсус қарор лойиҳаси ишлаб чиқилди ва ушбу қарор лойиҳаси тегишли вазирлик ва идоралар билан келишилмоқда.
2020 йилда республика бўйича асосий ва ғалладан бўшайдиган такрорий ҳамда томорқа хўжаликларида жами 130 минг гектар майдонда 2,9 миллион тоннага яқин картошка ишлаб чиқариш прогноз кўрсаткичлари белгилаб олинди. Йил давомида ички истеъмолни тўлиқ қоплашга етади.
Саидкамол Хўжаев, Қишлоқ хўжалиги вазири ўринбосари
Мавзуга доир:
- Ўзбекистонда томорқа ерлардан унумли фойдаланмаган фуқаролар жаримага тортилади
- Ўзбекистонда қишлоқ хўжалиги кооперативига аъзо бўлган ишсиз фуқароларга Бандлик ва меҳнат муносабатлари вазирлиги жамғармаси томонидан 24 млрд сўм ажратилади
- Маҳалла вазири Раҳмат Маматов: Бундан кейин ҳоким ер ажратишда маҳалла билан келишиши керак
Изоҳ (0)