«Ювентус» бош мураббийи Маурицио Сарри футболчилар билан юзага келадиган муаммолари ҳақида гапириб ўтди.
«Зинадан баландликка қанча кўтарилсанг, ўйинчилар билан муносабат қуриш шунчалик қийинлашиб боради. «Челси»даги айрим футболчилар билан муносабатимда қарама қаршилик юзага келди, бироқ кетишимни маълум қилганимда уларнинг кўпчилиги йиғлаб юборганди.
Бировнинг орқасидан гапирадиган одам эмасман. Мен кўпинча ўйинчиларнинг яхши ишларини эмас, балки нотўғри ҳаракатлари ҳақида гапираман. Ўйлашимча, айнан мана шу муносабатларга қаттиқ таъсир қилади, бироқ кейинчалик улар борингизча қадрлашни ўрганади», — дейди Сарри.
Сарри 2018/19 йилги мавсумда «Челси»да фаолият юритган. Унинг қўл остида лондонликлар Европа Лигасида ғолиб чиққан ва Англия Лига Кубоги финалига қадар етиб борган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)