Италиянинг Tuttosport нашри «Ювентус»нинг сўнгги 25 йилдаги энг яхши футболчисини аниқлаш мақсадида ўз муштарийлари орасида сўровнома ўтказди.
Сўнгги 25 йилликда туринликлар сафида тўп сурган 16 нафар юлдуз футболчи саккизта жуфтликка ажратилди. Сўровномада кутилганидек Алессандро дел Пьеро ғалабага эришди. Ярим ҳимоячи финалда 93 фоиз овоз тўплаб, чехиялик собиқ жамоадоши Павел Недведни ортда қолдирган.
Ярим финалга қадар 2011—2015 йиллар давомида «Ювентус»да тўп сурган «Интер» ва «Милан» собиқ ярим ҳимоячиси Андреа Пирло ҳам етиб келди. Пирло ¼ финалда Криштиану Роналдудан устун келди. Шунингдек, ярим финалга қадар ҳимоячи Жоржио Кьеллини ҳам етиб келган.
Сўровноманинг илк туридаёқ Зинедин Зидан, Эдгар Давидс, Златан Ибрагимович, Пол Погба ва Карлос Тевес каби юлдузлар чиқиб кетди.
Дел Пьеро «Ювентус»да 1993—2011 йилларда фаолият юритган. У жамоа сафида 706 ўйин ўтказиб, 290 та гол ва 81 самарали узатма муаллифига айланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)