«Аякс» Онанага нарх белгилади. Унга «Барселона»дан таклиф бор

«Аякс» клуби дарвозабони Андре Онана ёзги трансферлар даврида амстердамликлар сафини тарк этиши мумкин, дея хабар қилмоқда The Telegraph.

«Аякс» раҳбарияти 24 ёшли посбонни қўйиб юборишга қарши эмас ва футболчининг трансферидан 40—45 миллион евро ишлаб олмоқчи. Онана учун асосий даъвогарлар — «Челси», ПСЖ ва «Барселона».

Камерунлик футболчи «Аякс»да 2015 йилдан буён фаолият юритиб келади. Дарвозабон Самюуэль Это’Онинг Камерундаги футбол академиясида тарбия топган. 2010 йилда у «Барселона»га йўл олади, бироқ асосий жамоада ўйин ўтказмайди.

Онана «Аякс» сафида Нидерландия чемпионлиги, мамлакат Кубоги ва Суперкубогини қўлга киритди. Шунингдек, у жамоаси билан Европа Лигаси финали ва Чемпионлар Лигаси ярим финалларида қатнашди. Коронавирус туфайли тўхтаб қолган Нидерландия жорий мавсумида Онана 24 та учрашувда майдонга тушиб, уларнинг саккизтасида ўз дарвозаси дахлсизлигини сақлаб қолди.