“Yuventus” bosh murabbiyi Mauritsio Sarri futbolchilar bilan yuzaga keladigan muammolari haqida gapirib o‘tdi.
“Zinadan balandlikka qancha ko‘tarilsang, o‘yinchilar bilan munosabat qurish shunchalik qiyinlashib boradi. “Chelsi”dagi ayrim futbolchilar bilan munosabatimda qarama qarshilik yuzaga keldi, biroq ketishimni ma’lum qilganimda ularning ko‘pchiligi yig‘lab yuborgandi.
Birovning orqasidan gapiradigan odam emasman. Men ko‘pincha o‘yinchilarning yaxshi ishlarini emas, balki noto‘g‘ri harakatlari haqida gapiraman. O‘ylashimcha, aynan mana shu munosabatlarga qattiq ta’sir qiladi, biroq keyinchalik ular boringizcha qadrlashni o‘rganadi”, — deydi Sarri.
Sarri 2018/19-yilgi mavsumda “Chelsi”da faoliyat yuritgan. Uning qo‘l ostida londonliklar Yevropa Ligasida g‘olib chiqqan va Angliya Liga Kubogi finaliga qadar yetib borgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)