«Челси» раҳбарияти жамоа футболчилари билан маошларни камайтириш масаласида келиша олмаяпти, дея хабар қилмоқда The Telegraph.
Лондонликлар коронавирус пандемияси сабаб юзага келган инқироз пайтида футболчиларни маошнинг 30 фоизидан воз кечишга чақирган, бироқ ўйинчилар маошнинг фақат 10 фоизга қисқаришига рози бўлган. Футболчилар номидан жамоа сардори Сесар Аспиликуэта раҳбарият билан учрашган ва ўйинчилар маош 10 фоиз қисқаришига рози эканини билдирган.
Аввалроқ «Арсенал» йил давомида футболчилар маошини 12,5 фоизга камайтириши ва бу борада Премьер Лига клублари ичида биринчи бўлиши хабар қилинганди.
Айни вақтга келиб Англия чемпионати коронавирус сабаб тўхтаб қолган. Мусобақанинг 29-турига келиб «Ливерпуль» энг яқин таъқибчисини 25 очкога ортда қолдирган ҳолда пешқадамлик қилмоқда. «Челси» эса 29 ўйинда 48 очко тўплаб, 4-ўринда кетмоқда.
Буюк Британияда 18 апрель ҳолатига коронавирус юқтириб олганлар сони 108 мингдан ошди. 14,5 минг нафардан зиёд киши вирус оқибатида вафот этган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)