Жанубий Африкада жойлашган Умкомаас шаҳри яқинидаги Аливал саёз сувликларида акулалар дрессировкачиси ва ғаввос Уолтер Бернардис йирик акулани транс ҳолатига тушириб, унинг жағига илиниб қолган балиқчиларнинг илмоғини олиб ташлади, деб хабар беради Daily Star.
Эркак қора қанотли акуланинг жағига илиниб қолган илмоқни кўриб қолиб, унга ёрдам беришга қарор қилган. Ғаввос 90 килограммли балиқнинг қорин қисмини тепага қаратиб ағдарганида у танатоз ҳолатига тушиб қолган.
Бернардис 2,5 метрли йиртқичнинг жағидан балиқчиларнинг илмоғини олиб ташлаб, балиқни қўйиб юборган. У транс ҳолатидан чиқиб, сузиб кетган.
Бутун жараённи британиялик сураткаш Гарри Стоун тасвирга олишга муваффақ бўлган. У Бернардиснинг акулаларни транс ҳолатига туширишини кузатиш доим завқ бағишлашини таъкидлаган.
Изоҳ (0)