Россия пойтахти Москва шаҳрида коронавирус пандемияси туфайли жорий этилган карантинга қарамай ишлашда давом этган кафенинг кириш қисми бетонлаб қўйилди, деб хабар берди Baza Telegram канали.
Пойтахтдаги ресторан ва кафелар уйга элтиб бериш хизмати билан ишини давом эттиряпти. Бироқ «Ҳалол сомса» кафеси ҳеч нарса бўлмагандек мижозларни қабул қила бошлаган. Кафе мижозлари бир-бирига жуда яқин ўтирган, оралиқ масофа сақланмаган.
«Суд қарорига кўра, кафе ишламаслиги керак эди. Шу туфайли туман маъмурияти кафега киришни бетон орқали тўсиб қўйишга қарор қилди», — дейилади хабарда.
Кафега кираверишга асфальт ётқизилди, унинг устидан эса бир неча бетон-блоклар қўйилди.
Изоҳ (0)