АҚШ коронавирус қурбонлари сони бўйича Италияни ортда қолдириб, дунёда биринчи ўринга чиқиб олди. Бу ҳақда вирус тарқалишини реал вақтда кузатаётган Жонс Ҳопкинс университети маълумотларига келтирилган.
Сўнгги маълумотларга кўра, АҚШда коронавирус оқибатида вафот этганлар сони 20 608 етган, Италияда эса — 19 468 нафар қурбон.
АҚШ президенти Дональд Трамп Ваёмингда йирик ҳалокат режимини эълон қилди. Шундай қилиб, тарихда биринчи бор Американинг барча штатларида ушбу режим жорий этилди.
«Президент тарихда биринчи бор бир вақтнинг ўзида 50 та штатда йирик ҳалокат режимини эълон қилди», — деб ёзади Оқ уй вакили Жадд Дир ўзининг Twitter’даги саҳифасига.
11 апрель куни АҚШ коронавирус инфекцияси оқибатида суткалик қурбонлар сони бўйича дунёда биринчига айланган эди — 2 мингдан ортиқ бемор вафот этган. 26 март куни эса АҚШ COVID-19 билан касалланганлар сони бўйича дунёда биринчига айланган. Айни вақтда мамлакатда қарийб 530 минг кишида коронавирус аниқланган.
Мавзуга доир: АҚШ ўз фуқароларини олиб кетишдан бош тортган давлатларга санкциялар билан таҳдид қилди
Изоҳ (0)