Тожикистон ҳукумати коронавирус кириб келиши олдини олиш мақсадида мамлакатга кириш-чиқишни вақтинча тақиқлади.
Мамлакат ТИВ хабарига кўра, ушбу тақиқ хорижий давлатларнинг барча фуқаролари ва фуқаролиги бўлмаган шахсларга татбиқ этилади.
Таъкидланишича, ушбу чекловлар хорижий давлатлар дипломатлари, республикада аккредитация қилинган халқаро ташкилотлар, молиявий институтлар вакиллари, халқаро юк ташишларни амалга оширувчи ҳайдовчилар, самолёт экипажлари ва халқаро темир йўл алоқаси бригадаларига қўлланмайди.
Вазирлик тақиқ остига тушган хорижликларнинг Тожикистондан чиқиши зарурати пайдо бўлганда ҳокимият хорижий давлатларнинг расмий, жумладан, чартер рейслар ташкиллаштириш бўйича мурожаатларини кўриб чиқишга тайёрлигини билдирган.
Аввалроқ Ўзбекистон Тожикистонга ун ва антисептиклардан иборат 18 вагон гуманитар ёрдам юборгани ҳақида хабар берилган эди. Тожикистонда ҳозирча коронавирус билан боғлиқ биронта ҳам ҳолат қайд этилмаган. Ўзбекистонда эса коронавирусга чалинганлар сони 694 кишига етди.
Изоҳ (0)