COVID-19 коронавируси пандемияси туфайли об-ҳавони олдиндан прогноз қилишнинг аниқлиги уч асосий сабаб бўйича кескин камайиши мумкин, улардан фақат биттаси метереологларнинг уйда карантинда бўлишига бевосита алоқадор. Бу ҳақда Россия Гидрометереология маркази раҳбари Роман Вильфандга таяниб, «ТАСС» хабар қилган.
Вильфанд қолган икки сабабнинг биттаси бутун дунёда авиарейслар сонининг кескин камайгани билан боғлиқлигини билдирган.
«Таърифлаш, моделлаштириш ва прогноз қилиш учун атмосферанинг таркибини тўлиқ билиш керак. Бунинг учун кенг қамровли кузатув тизими мавжуд. Маълумотлар метереологик хусусиятларни учиш давомида ҳисоблайдиган қурилмаларга эга самолётлардан ҳам келиб тушади. Бундан ташқари, метеорологларга катта аэропортлар ҳам ахборот тақдим қилади», — деган у.
Мутахассиснинг сўзларига кўра, ҳозир авиарейслар сони кескин қисқарган, катта аэропортларнинг фаолияти тўхтатилган. Aтмосферани кузатиш тизими эса доимий назорат талаб қилади, бунинг устига бутун дунёда метеорологлар уйда карантинда ўтирибди.
Изоҳ (0)