АҚШлик ҳамшира ўз бўлимидан фақат ўликлар чиқаётганини маълум қилди
Нью-Йоркдаги шифохоналардан бирида ҳамшира бўлиб ишловчи Александра Масиас ўзининг Facebook’даги саҳифаси орқали коронавирус пандемиясининг ҳалокатли оқибатлари ҳақида гапириб берди, деб хабар қилади «РИА Новости».
Ҳамширанинг сўзларига кўра, у сўнгги бир неча кундан бери интенсив терапия палатасида ишлаб келмоқда. «Ҳар куни янги одамлар келаётган бўлса-да, малакали ходимлар етишмаяпти», — деб ёзади Масиас.
Ҳамширанинг айтишича, у ҳар куни беморлари вафот этгунига қадар уларни қўллаб-қувватлаб турмоқда. «Ҳозиргача бўлимимизни ўликлар учун мўлжалланган қопдан бошқа нарсада ҳеч ким тарк этмади», — дейди аёл.
Масиаснинг таъкидлашича, вафот этганларнинг аксарияти соғлиғида ҳеч қандай муаммо бўлмаган ёшлар. «Кучли инсонлар, жисмонан бақувват. COVID-19 ўлдирмагунича, бир вақтнинг ўзида бешта жойда ишлаганлар ҳам бор. Бу вирус одамларни ўлдирмоқда», — дейди ҳамшира.
Шунингдек, у одамларни ушбу касалликни жиддий қабул қилишга чақирган.
«Мен сизларни мажбурлай олмайман, бироқ ўтиниб сўрайман, тиббиёт ходимларининг айтганини жиддий қабул қилинг», — дея якунлайди Масиас.
Аввалроқ британиялик ҳамшира кўзларида ёш билан аҳолига видеомурожаат йўллаган эди.
Мавзуга доир:
