Сербия президенти Александр Вучич ўзининг Instagram’даги саҳифасида ўғли коронавирусга чалинганини маълум қилди.
«Буларнинг барчаси бошланганда ўғлим Данило таслим бўлмаслигини айтди. Тўнғич ўғлим коронавирусга чалинди. Клиник ҳолат шундайки, уни юқумли касалликлар шифохонасига қабул қилишди. Ўғлим, сен буни ҳам енгиб ўтасан. Отанг ҳам, бошқалар ҳам сени яхши кўради», — деб ёзган президент ва ўғлининг ёшлик пайтида бирга тушган суратини жойлаган.
Маълумот учун, 23 ёшли Данилонинг онаси Ксения Янкович бўлиб, у Вучич билан 2011 йил ажрашган.
https://www.instagram.com/p/B-uveOfBoxL/?utm_source=ig_embed
Жонс Ҳопкинс маълумотларига кўра, айни пайтда Сербияда коронавирусга чалинганлар сони 2 666 кишини ташкил қилмоқда, вирус оқибатида вафот этганлар 65 нафарга етди.
Изоҳ (0)