Россияда коронавирус юқтириб олганларнинг умумий сони 10131 нафарга етди. Улар мамлакатнинг 81 та ҳудудда қайд этилган. Касалликдан 700 киши тузалган, 76 киши вафот этган. Бу ҳақда «РИА Новости» хабар берди.
Маълум қилинишича, Россиянинг 50 та ҳудудида ўтган бир сутка ичида 1459 кишида коронавирус аниқланди, 13 киши касалликдан вафот этди, 118 киши тузалиб, касалхонадан чиқди.
Янги ҳолатларнинг катта қисми Москвада қайд этилган, шаҳарда бир сутка ичида 857 киши инфекцияга чалингани аниқланган. Москва вилоятида 199 та янги ҳолат қайд этилган. Касаллик қурбонларининг 7 нафари Москва шаҳрида, 3 нафари Москва вилоятида, 2 нафари Санкт-Петербургда, 1 нафари эса Перм ўлкасида қайд этилган.
Аввалроқ Россия Федерал тиббий-биологик агентлиги раҳбари, собиқ соғлиқни сақлаш вазири Вероника Скворсова мамлакатда COVID-19 коронавируси инфекцияси 10-14 кундан кейин ўзининг энг юқори чўққисига чиқишини маълум қилган эди.
Маълумот учун, Қозоғистонда коронавирус билан касалланганлар сони 759 кишига етди АҚШ коронавирус қурбонлари сони бўйича дунёда иккинчи ўринга чиқди. Қўшма Штатларда коронавирус билан касалланганлар сони 432 минг кишидан ошган, 23 минг киши даволанишга муваффақ бўлган.
Изоҳ (0)