Янги BMW М5 автомобилининг эгаси автосалондан узоқлашишга улгурмай бошқа бир машина билан йўл-транспорт ҳодисасини содир этди. Зарба шу қадар кучли бўлганидан машина йўлдан чиқиб кетиб, устунга бориб урилган. Бу ҳақда Karachi Track’нинг Facebook’даги саҳифасида хабар берилди.
Гувоҳларнинг сўзларига кўра, немис седанини қайта тиклаб бўлмайди.
Йўл-транспорт ҳодисаси эркак машинани дилерлик маркази дарвозасидан ҳайдаб чиққанидан бир неча дақиқа ўтгач содир бўлган. ЙТҲ жойидаги суратларга кўра, М5’нинг олд ва ён қисми пачоқ бўлган. Агарда машина эгаси ўз BMW’сини суғурта қилишга улгурган бўлса, пул тўлиқ қайтарилиши мумкин.
Ҳайдовчининг ўзи ушбу ҳолатга изоҳ бермаган.
BMW М5 моделига 625 от кучига эга 4,4 литрли V8 двигатели ўрнатилган. Автомобиль 100 км/соат тезликка чиқиши учун 3,3 сония етарли, максимал тезлиги эса 250 км/соат. Маълумотларга кўра, М5 моделининг нархи 108 минг доллар атрофида.
Аввалроқ АҚШда янги Chevrolet Corvette харид қилинганидан бир кун ўтиб ЙТҲга учрагани ҳақида хабар берилганди.
Изоҳ (0)