Mercedes-Benz компанияси 2001 йилда ишлаб чиқарилганидан буён деярли юрмаган SL600 родстерни сотувга қўйди. Машина 687 километр масофа босган бўлиб, шу вақтга қадар унинг эгаси бўлмаган. Омборда сақланган машина учун немислар 135 минг доллар сўрашни режалаштирмоқда, деб хабар беради Motor.
Родстер SL600 Mercedes-Benz’нинг классик автомобилларини сотишга ихтисослашган Калифорниядаги автосалонда турибди. Автомобиль жамланмасидан тўлдирилмаган ҳужжатлар ҳам ўрин олган бўлиб, у автомобиль ишлаб чиқарувчи компания томонидан машинанинг биринчи эгасига уни ўз номига расмийлаштириш учун берилади.
Ишлаб чиқарилганига 19 йил бўлган SL600’га шу пайтгача ҳеч ким эгалик қилмаган. Шу билан бирга, автомобиль эҳтиёт қисмлари яхши ҳолатда сақланган.
Mercedes-Benz SL600’га 394 от кучига эга олти цилиндрли V12 атмосфера мотори ўрнатилган бўлиб, у беш поғонали автоматик узатмалар орқали бошқарилади. R129 сериясига кирувчи модель 1989 йилдан 2001 йилга қадар ишлаб чиқарилган.
Изоҳ (0)