Uzbekistan Airways мамлакат ичидаги барча авиақатновларни бекор қилди. «Ўзбекистон темир йўллари» АЖ эса Тошкент шаҳрига республиканинг барча ҳудудларидан кириш ва Тошкент шаҳридан республиканинг барча ҳудудларига чиқишни ҳар қандай транспорт воситаларида 2020 йилнинг 24 март куни соат 00:01 дан бошлаб тўхтатиш бўйича қарори компаниянинг йўловчи ташиш фаолиятига ҳам татбиқ этилиб, режадаги рейслар бекор қилинганини хабар берган.
Uzbekistan Airways авиакомпанияси мижозлардан ушбу вазиятни тушунишни сўраган, шунингдек, қатновлар қайта тикланганидан кейин авиачипталарни исталган санага қайта брон қилиш имконияти мавжудлиги ҳақида эслатиб ўтган.
«Сизга кейинги ўзгаришлар ҳақида хабар бериб турамиз. Янгиликларни Uzairways.com веб-сайти, шунингдек, ижтимоий тармоқларда кузатиб боринг», — дейилган авиакомпания маълумотида.
«Харид қилинган чипталар темир йўл кассаларида қайтариб олинади ҳамда чипта пуллари ҳеч қандай фоиз ушланмасдан, ўрнатилган тартибда ва белгиланган муддат ичида қайтариб берилиши кафолатланади. Электрон чипталарни эса https://e-ticket.railway.uz сайтидаги «шахсий кабинет» орқали қайтарилади», – дейилади «Ўзбекистон темир йўллари» АК расмий ахборотида.
Таъкидланишича, темир йўл қатновлари Тошкент шаҳридан бошланиши ҳисобига бошқа ҳудудлар орасидаги қатновни ҳам амалга оширишнинг имконияти йўқ.
Йўловчи поездларнинг ҳаракати йўлга қўйилиши ҳақида «Ўзбекистон темир йўллари» АЖнинг расмий сайти ҳамда ижтимоий тармоқлардаги саҳифаларида эълон берилади.
Ушбу тартиб компаниянинг темир йўл орқали юк ташиш фаолиятига таъсир қилмайди.
Мавзуга доир:
Изоҳ (0)