ЖССТ коронавирус устидан ғалаба қозониш учун алкоголь ва тамаки маҳсулотларидан воз кечишни масалаҳат берди

Жаҳон соғлиқни сақлаш ташкилот бош директори Тедрос Адан Гебрейесус коронавирусга қарши курашда муваффақиятга эришиш учун алкоголь ва тамаки маҳсулотларини истеъмол қилмасдан, спорт билан шуғулланиш кераклигини таъкидлади. Гебрейесус бу ҳақда пандемиянинг дунёга ёйилиб бораётгани хусусида ўтказилган брифингда гапирган.

ЖССТ раҳбарининг сўзларига кўра ушбу ҳаракатлар коронавирус юқтириб олган кишиларнинг тезроқ тузалишига таъсир кўрсатади.

«Ушбу оғир дамларда жисмоний ва руҳий тана саломатлигига ғамхўрлик қилиш жуда муҳим. Бу нафақат узоқ яшашга, балки агар бемор COVID-19 коронавирусини юқтириб олган бўлса уни енгишда ҳам ёрдам беради. Аввало иммун тизимини мустаҳкамлайдиган оқсилларга бой, бақувват таомлар истеъмол қилинг. Иккинчидан алкоголь истеъмолини камайтиринг ва ширин ичимликлардан ҳам узоқлашинг», — деган Гебрейесус.

ЖССТ раҳбарининг учинчи муҳим масалаҳати одамларни чекишдан тийилишга чақириш бўлди, унинг айтишича тамаки COVID-19 юқтириб олган одамда жиддий касалликларни қўзғатиши мумкин.

«Тўртинчидан катталар кунига лоақал 30 дақиқа, болалар эса 1 соат давомида жисмоний машқлар бажаринг. Ҳар куни бир соат давомида сайр қилинг ва бунда бошқаларда масофа сақланг», — дея маслаҳат берган Гебрейесус.

ЖССТ раҳбарининг сўзларига кўра вирус билан нафақат ёши кексароқ – 65 ёш ва ундан катта одамлар, балки ундан анча ёш қатлам ҳам касалланмоқда. У ёшларни ўз ҳаракатларида масъулиятли бўлишга чақирди ва уларни бошқалар ҳаётига бефарқ бўлмасликка чақирди.

Аввал Соғлиқни сақлаш вазири спирт истеъмол қилиш коронавирусдан сақланишга ёрдам бермаслигини айтганди.