Зимбабведа коронавирус билан касалланиш бўйича илк ҳолат қайд этилди. Бу ҳақда мамлакат соғлиқни сақлаш вазири Обадия Моёга таяниб «РИА Новости» хабар берди.
Моёнинг сўзларига кўра, бемор Зимбабве ғарбидаги Виктория-Фолс шаҳрида яшовчи чет эллик эркак. У бир муддат аввал Буюк Британиядан қайтиб келган ва ўзини ўзи изоляциялаган. Ҳозирда бемор кимлар билан мулоқотда бўлганини аниқламоқда.
Шунингдек, Мадагаскарда ҳам коронавирус билан касалланиш бўйича илк беморлар рўйхатга олинган. Гап Мадагаскарга 17 март куни Франциядан учиб келган 41 ёшли аёл, 18 март куни Франциядан транзит рейс билан келган 19 ёшли қиз ҳамда Франциядан келган яна бир аёл ҳақида кетмоқда. Уларнинг барчаси карантинга жойлаштирилган ва зарур даволаш ишлари олиб борилмоқда.
Сўнгги маълумотларга кўра, Ўзбекистонда коронавирус инфекциясини юқтириб олганлар сони 37 нафарга етган. Ўзбекистонда 21 мартдан мамлакатдаги чойхона ва ошхоналар ёпилади, 23 мартдан тўйларнинг ўтказилиши бекор қилинади.
Изоҳ (0)