Коронавирус тарқалишининг олдини олиш учун аксарият йирик тадбир ва маросимлар қатори масжидларда жума намозини ўқиш ҳам вақтинча тўхтатиб қўйилди. Ўзбекистонда ҳам жума намози ўрнига пешин намозини уйда ўқиш тавсия этилди . Reuters агентлиги дунёнинг турли мамлакатларида 20 март, жума куни пешин намози қандай адо этилгани бўйича репортаж эълон қилди .
Кот-дъивуарлик 36 ёшли Исмоил Бадир онаси Камил Фатма билан уйда пешин намозини ўқимоқда. Фото: Reuters
Ар-Риёддаги Ар-Ражи масжидида муаззин азон айтиб, пешин намози вақти бўлганини билдирмоқда. Фото: Reuters
Иордания пойтахти Аммандаги Ал-Ҳуссайни масжиди кириш қисми лента билан тўсиб қўйилган. Фото: Reuters
Рамаллоҳда масжидлар ёпилгани сабабли фаластинликлар тротуарда жума намозини ўқимоқда. Фото: Reuters
Кения пойтахти Найробидаги Жомия масжиди эшигига коронавирус хавфи сабабли масжид ёпилганлиги тўғрисида эълон осиб қўйилган. Фото: Reuters
Қоҳирадаги Ал-Азҳар масжидига жума намозига келган одамларнинг аксарияти ниқоб тақиб олган. Фото: Reuters
Зеница шаҳридаги маҳаллий ислом кенгаши аъзолари Султон Аҳмад масжидида намоз ўқимоқда. Боснияда коронавирус тарқалишни бошлагач, масжидларда жума намозини ўқиш тўхтатиб қўйилди. Фото: Reuters
Бағдоддаги масжидда жума намозини ёлғиз ўқиётган имом-хатиб. Фото: Reuters
Покистоннинг Пешавор шаҳрида жума намозига тўпланган мусулмонлар. Ҳозирда Покистонда 500 дан ортиқ одамда коронавирус аниқланган. Фото: Reuters
Ҳиндистоннинг Аҳмадобод шаҳридаги Жума масжидига жума намозига йиғилган мусулмонлар касаллик тезроқ тугатилишини сўраб дуо қилмоқда. Фото: Reuters
Изоҳ (0)