Yevropa parlamenti raisi David Sassoli Yevropada koronavirus tarqalishi oqibatida yuzaga kelgan inqirozni baholadi, deb yozadi “Interfaks”.

“Yevropa Ikkinchi jahon urushi tugaganidan beri bunday dramatik inqirozni bilmagan”, — dedi Sassoli. U Yevropa Ittifoqi nihoyat koronavirusga qarshi kurashish va pandemiyaning iqtisodiy oqibatlariga qarshi kurashish uchun bir qator choralar ko‘rganini ta’kidladi. Uning fikriga ko‘ra, hech bir Yevropa mamlakati hukumati buni o‘z-o‘zidan hal qila olmagan bo‘lardi.

Xususan, taklif etilgan chora-tadbirlar ish joylarini, korxonalarni va umuman iqtisodiyotni saqlab qolish zarurligini ko‘rsatmoqda. Bundan tashqari, ular Yevropa Ittifoqi budjetidan 37 milliard yevro likvidligini taklif qiladi. Endi ular Yevropa Ittifoqi Kengashi va Yevropa parlamenti tomonidan tasdiqlanishi kerak.

Avvalroq JSST koronavirus qurbonlarining soni fojiaviy hisoblanuvchi ko‘rsatkichdan o‘tib ketganini ma’lum qilgan edi. Dunyo bo‘ylab koronavirus bilan kasallanganlar soni 145 mingga yetdi. 5400 dan ortiq odam vafot etdi. Xitoyda koronavirus pandemiyasining cho‘qqisi ortda qoldi. Mamlakatdagi iqtisodiy faollik qayta tiklanmoqda.

Avvalroq O‘zbekistonda 15-mart, yakshanba kuni, soat 6:00 da koronavirusga chalinish bilan bog‘liq ilk holat qayd etilgani, bemor o‘zbekistonlik ayol ekani haqida xabar berilgan edi. So‘nggi ma’lumotlarga ko‘ra, uning oila a’zolari ham tibbiy kuzatuvga olingan. Koronavirus aniqlangan o‘zbekistonlik ayol bilan birga 48 yo‘lovchi Parijdan uchib kelgan. Ushbu reys yo‘lovchilarining barchasi izolyatsiyaga olinadi. Ular orasida 24 nafar tranzit yo‘lovchi, jumladan, to‘rt nafar fransiyalik, bir nafardan Italiya va Braziliya fuqarolari bo‘lgan.