COVID-19 коронавирусининг Ўзбекистон ҳудудида тарқалишининг олдини олиш мақсадида Республика махсус комиссиясининг қарорига биноан жорий қилинган чеклов чораларига кўра 2020 йилнинг 16 мартидан бошлаб Ўзбекистоннинг хорижий давлатлар билан барча халқаро авиа, авто ва темир йўл қатновлари вақтинча бекор қилинганди.
ТИВ матбуот хизматининг хабар беришича, хорижда бўлган Ўзбекистон фуқароларига ватанга қайтишлари учун давлат чегарасини кесиб ўтишлари тақиқланмайди. Ўзбекистон ҳудудига кириш бўйича қўйилган чекловлар бошқа давлатларнинг фуқароларига нисбатан қўлланилади.
Хусусан, Буюк Британияда Ўзбекистонга кириш учун визалар бериш тўхтатилди. Консуллик-ҳуқуқий ҳужжатларни қабул қилиш ва кўриб чиқиш масофадан туриб (Элчихонага ташриф буюрмасдан) ҳамда почта хизмати орқали амалга оширилади. Ариза берувчиларнинг шахсан иштирокини талаб қиладиган ҳужжатлар бундан мустасно (ҳужжатларни расмийлаштириш тартиби тўғрисидаги маълумотлар www.uzembassy.uk веб-сайтида жойлаштирилган).
Ўзбекистоннинг Лондон шаҳридаги Элчихонаси Буюк Британияда бўлиб турган Ўзбекистон фуқароларига чартер рейслар билан ватанга қайтишларида кўмак беради. Шу билан бирга фуқаролар қайтиб келишлари билан 14 кун давомида карантинда бўлади.
Лондондан чартер рейсларини ташкил этиш мақсадида Ўзбекистонга қайтмоқчи бўлган фуқаролари тўғрисида маълумотларни тўплаш бошланди.
Шунингдек, 16 март куни Германиянинг Франкфурт Майн шаҳридан чартер рейсларини ташкил этиш учун Ўқайтмоқчи бўлган фуқаролар тўғрисида маълумот тўплаш ҳам бошланди.
Элчихона чартер рейсларда Ўзбекистонга қайтишни истаган фуқаролар «Uzbekistan Airways» АЖ ваколатхонасининг london@uzairways.co.uk ёки Элчихонанинг consul@uzembassy.uk электрон почта манзилларига қуйидаги маълумотларни юборишлари лозм:
- Ўзбекистон Республикаси фуқароси паспортинининг нусхаси;
- Ўзбекистон Республикаси фуқаросининг алоқа маълумотлари;
- «Uzbekistan Airways» АЖ парвозлари учун чипта нусхаси (мавжуд бўлса);
Изоҳ (0)