Хитойда сўнгги бир сутка ичида 11 киши янги турдаги COVID-19 коронавирусини юқтириб олди. Бутун мамлакат бўйлаб коронавирус билан касалланганлар сони 80 824 кишига етган. Бу ҳақда Хитой Соғлиқни сақлаш миллий комиссияси хабар берди.
Инфекция тарқалган 2019 йилнинг декабридан буён Хитойда 3189 киши коронавирус оқибатида вафот этди. 13 март куни уларнинг сони 13 нафарни ташкил этган, 1430 киши эса даволанишга муваффақ бўлган.
Жаҳон соғлиқни сақлаш ташкилотининг маълумотларига кўра, дунё бўйлаб коронавирус билан касалланганлар сони 140 мингдан ошиб кетди. Вирусни юқтириб олиш бўйича Хитойдан кейинги ўринда Италия (17 мингдан ортиқ бемор) турибди. Эронда коронавирус билан касалланганлар сони 11 мингдан ошган, Жанубий Кореяда эса 7,9 минг кишини ташкил этмоқда.
12 март куни Хитой ҳукумати коронавирус инфекциясининг тарқалишининг энг юқори чўққиси ортда қолганини маълум қилган. Мамлакатда коронавирус билан касалланганларнинг салкам 78 фоизи соғайиб кетган.
Мавзуга доир:
Изоҳ (0)