Сурия ҳукумати мамлакатдаги барча ўқув муассасаларини 2 апрелга қадар ёпиш, давлат идораларидаги ходимлар сони ва иш вақти кунлик нормасини қисқартириш юзасидан фармойиш чиқарди. Бу ҳақда Сурия давлат агентлиги (SANA) хабар берган.
Шунингдек, фармойишга кўра, барча илмий, маданият ва кўнгилочар оммавий тадбирларнинг ўтказилиши ҳам бекор қилинган. Ресторан, кафе ёки ёпиқ концерт залларида чилимнинг тақиқлангани устидан қатъий назорат ўрнатиш ҳам белгилаб қўйилган.
Хабар қилинишича, Сурияда коронавирус юқтирганликда гумон қилинганларни карантинга олиш учун битта провинцияда камида иккита тиббиёт муассаси фаолият олиб бориши таъминланиши лозим. Шу билан бирга тиббиёт олийгоҳларининг юқори босқич талабаларини ҳам зарурат бўлганда коронавирус юқтириб олганларга қараш учун жалб этиш ҳам кўзда тутилган.
Мавзуга доир:
Бугунгача Сурия ҳукумати томонидан мамлакатда расман коронавирус билан касалланган беморларнинг аниқлангани юзасидан хабарлар берилмаган.
Изоҳ (0)