Коронавирус сабабли Таиландда туризм инқирозга учрагани ва туристларнинг камайиб кетиши натижасида мазкур мамлакатдаги маймунлар оч қолмоқда. Бу ҳақда The Sun хабар берди.
Маълум қилинишича, ҳайвонлар улкан тўда бўлиб, ҳатто озгина овқат учун бир-бирини ўлдиришга ҳам тайёр бўлмоқда.
Қайд этилишича, ҳайвонларнинг феъл-атворига одатланган таиландликлар маймунларнинг шафқатсизлигидан ҳайратда қолмоқда. Маймунлар кимнинг қўлида егулик кўрса, уни ғажиб ташлашга ҳам тайёр.
Лопбури шаҳрида минглаб ёввойи маймунлар кўчаларда айланиб юради ва қадимги Будда ибодатхоналарида яшайди. Ташриф буюрган сайёҳлар ҳайвонларни овқатлантирган ва уларнинг сони кўп бўлганлиги сабабли маймунлар овқат танқислигини сезишмаган. Коронавирус тарқалиши сабабли Таиландга сайёҳлар оқими 44 фоизга камайиб кетди.
Аввалроқ Таиланд коронавирус сабабли 18 та давлат, шу жумладан, Ўзбекистон фуқароларига виза беришни тўхтатган эди. Шунингдек, коронавирус сабабли Таиландга келадиган сайёҳлар сонининг 6 миллион кишига камайиши кутилаётган эди. Таиланд давлат хизматчиларига хизмат сафарларини чеклаган.
Изоҳ (0)